首頁 > 我的資訊 > >
2014 年 04 月 08 日

方大同六月上海巡唱

方大同昨日為加盟金牌大風後推出的首張專輯到商台宣傳,他透露已定於四月十一號推出唱片,今次是一項大製作:「我會用番自己開嘅錄音室同錄音團隊,不過就第一次請嚟外國有名嘅國際團隊做混音,好似新歌《小方》就好似我嘅自傳形式,以前有啲歌部份係Rap出嚟,今次呢首就係全部,我中文唔叻揾咗C君幫手填詞,希望會更有新鮮感。」六月大同也會正式開始巡迴個唱,首站是於上海,形式跟香港舉行的沒大差異,屬一貫自我風格。
談起他為G.E.M.於節目《我是歌手》2中作幫唱,惟對方最終只奪第二名,大同覺得名次不是最重要,大家為的是音樂,加上各參賽者都是有實力之人,不過提到其緋聞女友薛凱琪被人質疑善款去向,大同就未見得這樣看開,力撐對方說:「佢同佢媽咪好鍾意小動物,一定唔會吞咗啲善款,其他藝人亦好有心幫手,聽講質疑佢嘅人係惡搞一場。」

藍嵐報道

‧方大同將在四月中推出新唱片。

文章來源:新報