首頁 > 我的資訊 > >
2014 年 05 月 30 日

波斯尼亞平盤無「迪」

■波斯尼亞球員為今晚出戰科特迪瓦作最後備戰。


波斯尼亞同科特迪瓦兩支世界盃決賽周球隊,將會喺美國進行友賽。講整體實力無疑科特迪瓦肯定勁啲,但呢支非洲勁旅出名內部問題多多,喺呢類友賽搏命機會唔大,平手盤捧波斯尼亞更穩陣。(周五27,香港時間周六8:30am開賽)
老實講雷神推介波斯尼亞信心其實都只不過係一半半,事關佢哋近3場友賽全部輸晒,唯一係對手中有阿根廷等強手,總算叫做有啲借口,加埋陣容上有份入選主力如迪斯高、比真歷、史柏希斯同比高域相信都會悉數落場,為喺世界盃前提升信心相信都會落力表演,平手盤有1.87倍仍有捧場價值。
客軍科特迪瓦陣中有耶耶托尼、杜奧巴等球星,級數喺波斯尼亞之上,問題係呢支非洲一線球隊內部問題多多,其中獎金更係一直解唔到嘅問題,要呢班球員喺一場友賽中出真功夫根本冇可能,所以點都係捧正氣啲嘅波斯尼亞有着數。(雷神)

文章來源:新報