首頁 > 我的資訊 > >
2014 年 06 月 12 日

巴神開戰前夕宣布訂婚

■原來「巴神」(左)都鍾意玩自拍,睇佢個表情咁輕鬆,唔知係當操練定係英格蘭冇到?(網上圖片)


呢次巴西搞世界盃有幾趕?正所謂「有圖有真相」,單單憑一張圖就有答案啦!意大利後衛蘭奴捷亞雖然冇入選到最終嘅23人名單,但係佢依然隨隊去到巴西繼續集訓,而佢就影到球隊嘅訓練營入面個洗手間,竟然有兩個馬桶,奇就奇在呢兩個馬桶係並排兼夾全無阻隔,難怪佢見到呢個設計都覺得奇!
話就話足球員經常肉帛相見,不過連大小二便都無遮無掩又實在太「重口味」嘞,真係未必人人都接受得到,難怪蘭奴捷亞見到呢個咁嘅設計都話頂唔順啦。其實近日有消息話巴西仲未搞掂晒所有球場設施,依家集訓營入面個洗手間有個完整馬桶已經唔錯架嘞,好心意大利大軍就包容吓啦!

文章來源:新報