首頁 > 我的資訊 > >
2014 年 06 月 22 日

維洛素爆C朗生龍活虎

■米基爾維洛素(左)話C朗冇問題,應該信得過嘅!


究竟「慈善球王」C朗出唔出得?C朗迷睇嚟唔使擔心咁多,事關佢嗰幾位跟班米基爾維洛素同埋普斯迪加等等都異口同聲都話佢操得、跳得,仲射得,C朗迷暫時可以放下心頭大石。

首戰德國C朗都尚算生猛,雖然全場都冇入到波,但係總算係畀到唔少威脅,可惜賽後又再傳出佢嘅傷勢冇咩好轉,搞到成班C朗迷擔人咗成個禮拜,驚死唔可以再喺電視面前見到「C朗BB」。好在米基爾維洛素就話C朗冇事之餘仲可以繼續操練,而普斯迪加就更加主動同傳媒跟進C朗嘅最新消息,一時三刻都唔知係堅料定係煙幕。
不過諗深一層葡萄牙喺首戰就大敗喺德國腳下,加埋比比同法比奧干查奧又唔出得,呢隊葡萄牙天殘地缺,照計C朗就算有傷都應該要捱吓義氣頂落去嘅。

文章來源:新報