首頁 > 我的資訊 > >
2014 年 06 月 24 日

李威廉秤高烏拉圭

■李威廉(左)認為蘇亞雷斯有力贏意大利出線。


前兩仗同樣羸英格蘭、不敵哥斯達黎加嘅意大利同烏拉圭,會喺分組最後一場碰頭,南華中場李威廉就指,雖然意大利若以首戰陣容出擊仍然較強,不過擁半個主場優勢嘅烏拉圭可以秤高一啲。

意大利同烏拉圭兩隊只有一隊能夠出線,雙方都會拚盡爭取機會。李威廉就指,其實以意大利首戰陣容計,實力都很強,同英格蘭一戰應該係今屆佢個人覺得暫時最好睇嘅一仗。然而第二仗意大利換上一批老將之下,球隊表現不及首戰,最終先不敵哥斯達黎加。他認為,若然意國教頭柏蘭迪尼再以首仗陣容出擊,球隊應該可踢回應有水準。
不過,李威廉覺得今次碰上烏拉圭,藍衣兵團都係有啲吃虧。他指,今屆賽事嘅歐洲球隊普遍表現都欠佳,只有如德國及法國呢啲球隊有較佳演出。
他又指,烏拉圭首戰不敵哥斯達黎加,其實好大程度係因為蘇亞雷斯缺陣,他覺得蘇亞雷斯在陣對於烏拉圭嘅幫助較大。

文章來源:新報