首頁 > 我的資訊 > >
2014 年 08 月 08 日

鄭敬基歌衫墊膊好乸勁

•鄭敬基透露音樂會有趣劇表演。

 

鄭敬基(基仔)、馮允謙、Kellyjackie及C AllStar前晚於電視城錄影《勁歌金曲》。

本月尾將舉行音樂會的基仔透露已有十年八載沒有上節目,除唱歌外還要演出一段趣劇,感覺很有趣。提到音樂會,基仔:「廿年冇出嚟唱嘅黃寶欣、王喜、錢嘉樂佢哋一聽到我話搞音樂會,乜都冇問就一口答應做嘉賓,真係好多謝佢哋,到時黎瑞恩、曾志偉都會嚟睇。」

問到可有操肌?他笑說:「四格半舊出咗嚟,但唔會Sell呢啲,人哋有人魚線,我得舊鮑魚線!」基仔反而力Sell歌衫大家會很有驚喜:「因為主題係80年代,啲歌衫墊膊好乸勁,係三個乸,好乸乸乸勁!」


Kellyjackie飾演歌迷會會長

Kellyjackie透露宣傳新歌《留言信箱》外,趣劇中會飾演基仔的歌迷會會長:「之前去學過演戲,又有現場觀眾睇住,可以大派用場!」
Kellyjackie又表示羨慕好友吳若希有機會處女拍無綫劇,希望將來自己亦有機會。談到吳若希被拍得用80萬越野車接載被指是新歡的34歲籃球員劉子健到山邊密會兩小時一事,Kellyjackie只說:「我同吳若希私下只係傾拍劇嘅嘢,冇講感情事喎。」

採:康蕎    攝:Samuel

文章來源:新報