首頁 > 我的資訊 > >
2014 年 08 月 10 日

薛凱琪揀男友一定要坦白

‧導演黃真真(左)同陳意涵(右)都為Fiona獻上香吻。


Fiona(薛凱琪)噚日就去為演唱會綵排,點知去到現場就見到佢嘅「閨蜜」陳意涵,仲有導演黃真真已經準備好生日蛋糕為自己預祝生日。搞到壽星女Fiona都好感動,切蛋糕嗰陣,導演同意涵仲左右開弓獻上香吻。


問到意涵準備咗乜禮物畀Fiona?佢就笑言將成個自己送俾對方。(咁行貨?)「不是啦,其實是太趕了沒時間準備。(請吃飯慶祝?)她還要為演唱會綵排準備,不知她時間怎樣?」


陳意涵:好男生留給自己

提到自己對Fiona嘅生日祝福,係祝佢早啲有拖拍,問佢會唔會同Fiona齊齊去夜店識下男仔?意涵就耍手兼擰頭:「不要,那邊的男生不好,我們要到圖書館找。(富二代?)不用啦,我自己就是富一代。(介紹好男生給Fiona?)有好男生會先留給自己啦。」


對於意涵祝自己早日拍拖,Fiona就話唔會「恨」拍拖,但會「想」。(咁有乜揀偶條件呀?)一定要坦白,如果做錯事要勇於承認,講真話總好過呃住我,有啲人特別鍾意講大話。」講到好似有弦外之音咁?係咪遇到過邊位先?Fiona就突然「猛咳」:「清一清喉嚨先。講真話係美德,最好誠實同有幽默感啦。」

占士報道

文章來源:新報