首頁 > 我的資訊 > >
2014 年 11 月 30 日

關心妍個唱埋身肉搏跳辣舞


•鄭欣宜(左)大膽摸關心妍大髀。


•男女Dancers同關心妍跳辣舞。


•關心妍的老公楊長智親身到現場支持。



•(右起)鄭希怡丁子高與應采兒齊齊欣賞關心妍演唱會。



•許廷鏗(右)與關心妍拖手唱情歌。


關心妍(Jade)前晚喺九展舉行一連兩場《關心妍『說』演唱會2014》,除咗老公楊長智親到現場支持外,圈中老友蔡一傑、蔡一智夫婦、鄭希怡、丁子高、林欣彤、黎美言、陳明恩等撐場。


將頭髮同眼眉毛染成粉紅色的Jade,先以性感閃爆透視旗袍打頭陣,派一派「冰淇淋」畀Fans,然後並一口氣唱出多首經典歌曲。之後,演唱會大屏幕播放一段搞笑片,除了邀請到吳雨霏、周柏豪、鄭欣宜、關菊英(菊姐)等人祝賀演唱會成功外,最搞笑係更播出6年前無綫勁歌金曲頒獎典禮,Jade聽錯名「關菊英」衝上台拎錯獎嘅烏龍片段,跟手菊姐就喺片中笑言自己無心害Jade,Jade自己就笑言:「最瘀都試過,可以豁出去!」

同欣宜玩自摸
之後,Jade換上白色露背裝繼續獻唱並感激歌迷買飛入場:「多謝大家買飛入嚟睇,無論大家係睇關心妍、C12定關家姐,希望睇完了解我多啲。6年前我做咗畢生難忘嘅傻事,好多謝菊姐同我玩,幫我拍呢條片,我知菊姐係無心害我,呢個係我另一面,我係好傻!」
換上紅色漆皮裙,戴上面紗化身C12的Jade,在台上與赤膊上陣露兩點的男Dancers埋身肉搏跳辣舞!期間,有男Dancer幫Jade除衫,除剩白色Bra Top跟熱褲,露出事業線及長腿。期間,Jade不但坐在男Dancer重要部位上面,更任由女Dancer「胸襲」,意識極為大膽!之後,兩名男Dancers將Jade抱起,而她則使出一招高難度擘髀,兼大打觔斗,期間更High爆自摸,博得全場掌聲!
今次Jade邀請咗鄭欣宜(Joyce)做嘉賓,兩人合唱《拈花惹草》時,玩自摸。Joyce笑言:「呢首歌係你同陳慧嫻姐姐合唱,依家你係姐姐,時間過得真係快!」Jade聽完之後說:「你呢啲小妹妹自暴自棄呀,因住隔籬嗰個攬唔晒你呀!」擺明開玩笑話Joyce無減肥。

打觔斗似跳樓
獻唱新歌《逆來順受》時,Jade就眼濕濕多謝大家支持:「好多人聽到呢首歌都話毛管戙,好開心得到大家嘅認同!頭先打觔斗真係好驚,好似跳樓咁!今年做咗好多唔同嘅嘗試,以前嘅Jade好執着,淨係顧住點樣做好啲,唔識Enjoy,唔記得自己係邊個,今年好開心搵番自己,舞台係屬於我自己嘅!追夢真係好難,經歷過好多傷心、淚水、血汗,我依家會Enjoy舞台!」
之後另一名嘉賓許廷鏗(Alfred)出場與Jade合唱,Jade一見到Alfred即說:「你咁靚仔,如果楊生(老公)唔喺度,我錫咗你啦!」Alfred更意圖大爆Jade飲醉酒的往事,嚇得Jade大叫:「你想死呀?」Alfred聞言就解釋阿Jade只係話有人「恰」自己嘅話,Jade話實撐佢。

占士報道

文章來源:新報